Archive for ජූලි, 2015

මරදානේ ගිනිගත් ගොඩනැඟිල්ලට
නගර සභාවේ අනුමැතිය ගෙන නෑ

නෝමන් පලිහවඩන

කොළඹ මරදානේ ටෙක්‌නිකල් පාරේ ආපනශාලාවකදී තිදෙනකු මරුමුවට පත්කරමින් පෙරේදා (25 දා) දහවල් සිදු වූ විශාල ගින්න පිළිබඳව පරීක්‍ෂණ කරගෙන යද්දී එම ගොඩනැඟිල්ල සඳහා නගර සභාවේ අනුමැතියක්‌ ලබාගෙන නොතිබූ බව හෙළි වූයේ යෑයි කොළඹ නගරාධිපති ඒ. ඡේ. එම්. මුසම්මිල් මහතා “දිවයින” ට පැවසීය.

කිසියම් සංවිධානයක්‌ පවත්වාගෙන යැමේ මුවාවෙන් තනන ලද මෙම ගොඩනැඟිල්ලේ බේකරියක්‌ හෝ හෝටලයක්‌ පැවැත්වීමට නගර සභාවේ අනුමැතියක්‌ ලබා දී නැති අතර එම ගොඩනැඟිල්ල ඉතා පැරණි එකක්‌ යෑයි ද මුසම්මිල් මහතා කීය. මෙම බේකරියේ පිටුපස දොරක්‌ හෝ පිටුපස ජනේල පවා තිබී නැති බව ද හෙතෙම පැවසීය.

මෙම බේකරිය පවත්වාගෙන ගිය පුද්ගලයන්ට විරුද්ධව නඩු පවරන බව ද මේ අනුව නගර සභාවේ අනුමැතිය නැතිව මේ ආකාරයට ගොඩනැඟිලි කොළඹ නගරය තුළ තවත් තනා තිබේදැයි සොයා බැලීමට විමර්ශනයක්‌ කරන බව ද නගරාධිපතිවරයා පැවසීය.

මෙම බේකරියේ හිමිකරු “කිසියම් සංගමයක්‌ මුවාවෙන් තනන ලද” මෙම ගොඩනැඟිල්ල එම සංගමයේ ප්‍රයෝජනයට වෙන්කර නැති අතර එම සංගමය කුමක්‌දැයි සොයාබලාගෙන යන බව ද හෙතෙම කීවේය.

ගින්නට හසු වී මියගිය තිදෙනා පැනයැමට පිටුපස දොරක්‌ හෝ ජනේලයක්‌ නොමැතිකමින් දිවි රැකගැනීමට නානකාමරයට පැන ඇති බව විශ්වාස කළ හැකි යෑයි ගිනි නිවන නිලධාරි (මෙහෙයුම්) ආර්. ඩී. විඡේසූරිය මහතා කීවේය.

http://www.divaina.com/2015/05/27/news13.html

 

මේ ගොඩනැගිල්ල ගැන හා එහි අලු වූ හම්බ හැත්ත ගැන විස්තර මාධ්‍යයේ පලවූයේ බොහෝ කලකට පසුවය, එවිට “කිසියම් සංගමය” ගැන කිසිදු කතාවක් නැත. එය අපේ වර්ගවාදී ඉස්ලාම් ජිහාඩයට ඉතා හිතකරය.

මරදානේ හෝටලයේ ගින්න ඇතිවෙන්න පෙර ගෑස්‌ සිලින්ඩරය ළඟ සිටි අරක්‌කැමියා මරණ පරීක්‌ෂණ උසාවිය හමුවට

ප්‍රදිප් ප්‍රසන්න සමරකෝන්

හෝටලයේ ගින්න ටිකෙන් ටික ඇතිවෙනකොට අපි වතුර ගැහුවා. නමුත් ගින්න ටිකෙක්‌ ටික වැඩිවුණා. එවිට අපේ හෝටලයේ සේවකයන් තුන්දෙනෙක්‌ ගින්නට හසුවී තිබෙනවා.

මරදානේ හෝටලයක ඇති වූ ගින්නෙන් එම සේවකයන් තිදෙනකු පිළිස්‌සී මියයැම සම්බන්ධයෙන් කොළඹ නාගරික හදිසි මරණ පරීක්‌ෂණ උසාවියේ පැවැති සාක්‌ෂි විභාගයේදී සාක්‌ෂි දුන් හෝටලයේ කළමනාකරු වන මොහොමඩ් අµaසාර් 34 යන අය එසේ පැවැසීය.

මෙලෙස මියගොස්‌ ඇත්තේ කුඩිඉරිප්පු, ආරුමුගුගත්තාව, කලෙයිමගල් පාසල් පාරේ පදිංචිව සිටි කුංචි මොහොමඩ් අබ්දුල් ලතිµa (55) ආගර පොල්බෲක්‌ පදිංචිව සිටි රෙංගසාමි සෙල්වේන්ද්‍රන් (44) සහ කොළඹ 10, මරදාන පදිංචිව සිටි සේක්‌ මොහිදිනA (64) යන තිදෙනාය.

මේ සම්බන්ධ මරණ පරීකAෂණය කොළඹ නාගරික හදිසි මරණ පරීක්‌ෂක මොහොමඩ් අෂ්රµa රූමි මහතා හමුවේ පැවැති අතර එහිදී තවදුරටත් සාක්‌ෂි දුන් සාක්‌ෂිකරු මෙසේද කීය.

මම මරදාන පළවැනි පාරේ පිහිටි හෝටලයේ කළමනාකරු ලෙස අවුරුදු දෙකක සිට සේවය කරනවා. හෝටලයේ අයිතිකරු සියා උල්හක්‌ කියන අයයි. ඔහු අකුරණ පදිංචි කෙනෙක්‌. මේ සිද්ධිය වෙන වෙලාවේ ඔහු සිටියේ නැහැ. මෙම හෝටලයේ සේවකයන් දහතුන් දෙනෙක්‌ සේවය කරනවා. හෝටලයේ ඉදිරි දොරටුව පමණයි තියෙන්නේ. හෝටලයේ පිටුපසින් තාප්පයක්‌ හා පිට ගොඩනැඟිල්ලක වහලයක්‌ තියෙනවා.

එදා හැමදෙනාම හෝටලයේ වැඩ කරමින් සිටියා. මගේ කවුළුවේ ඉදිරියෙන් පාරට පේන්න කොත්තු හදන කවුළුවක්‌ තියෙනවා. එදින රිµdස්‌ කියන කෙනා µ්‍රයිඩ් රයිස්‌ වගයක්‌ සාදා එම රයිස්‌ එක පාර්සලයකට දාලා ආපු පාරිභෝගිකයා අතට දීලා පිටිපස්‌සට ගියා. ඔහු අත සෝදන්න කඩේ පිටිපස්‌ස පැත්තට ගියේ.

පිටිපස්‌සේ සිටි සේවකයන් මට පෙන්නුවා ගින්දර ඇවිළීගෙන එන අන්දම. පසුව මා ගින්දර නිවන්න ළඟට යන්න හැදුවා. සේරම මට කැගහලා කිව්වා යන්න එපා කියලා.

මේ සිද්ධියේදී මියගිය එක්‌කෙනෙක්‌ කඩේ පිටුපස නිදාගෙන සිටියා. ඔහුට ඒ වෙලාවේ වැඩ නැහැ. විවේකයි. මේ සිද්ධිය වෙනකොට දහවල් 1.00 ට විතර ඇති.

අපි ගින්දර දැකලා වතුර ගහන්න හැදුවා. පසුව වතුර ටිකක්‌ විසි කළා. ඒත් ගින්දර ඇවිළීම නතර වුණේ නැහැ. ටිකෙන් ටික ගින්දර වැඩිවුණා. පසුව මා ප්‍රධාන ස්‌විච් එක විසන්ධි කරලා හෝටලයෙන් එළියට ආවා. එළියට ඇවිල්ලා මම පොලිස්‌ හදිසි ඇමතුම් අංශයේ 119 ට දැනුම් දුන්නා. එවිට ඔවුන් කිව්වා ගිනි නිවන දෙපාර්තමේන්තුවට දැනුම් දෙන්න කියලා. පසුව මා ඒ දෙපාර්තමේන්තුවට දැනුම් දුන්නා.

ගිනි ඇවිළීගෙන එනකොට හෝටලයෙන් කෑම කන්න ආපු අයයි, වැඩකරපු අයයි එළියට පැනලා බේරුණා. ඒත් ඇවිළුණු ගින්නත් එක්‌ක ඇතුලේ සිරවී සිටි සේවකයන් තුන්දෙනෙක්‌ එළියට එන්න බයවුණා. අපි ඔවුන්ව එළියට ගන්න උත්සාහ කළත් එය අසාර්ථක වුණා. ඒකට හේතුව හෝටලයේ ඇතුළ දුමෙන් වැසී තිබිමයි. පසුව ගිනි නිවන හමුදාව ඇවිල්ලා ගින්න නිවන විට සවස 2.30 ත් පසුවෙලා තිබුණා. ගින්න නිවා දැමුවාට පසු ඇතුළේ හිරවී සිටි සේවකයන් තුන්දෙනා එළියට අරන් ගිලන් රථයකින් රෝහලට රැගෙන ගියා.

මියගිය සේවකයන් තිදෙනාගේ පශ්චාත් මරණ පරීක්‌ෂණ කොළඹ අධිකරණ වෛද්‍ය නිලධාරිනී ඩී.අයි. එල්. රත්නායක මහත්මිය විසින් පවත්වන ලදී.

හෝටලයේ මෙම ගින්න ඇතිවීමට පෙර ගෑස්‌ සිලින්ඩරය ළඟ සිටි හෝටලයේ අරක්‌කැමි රිµdස්‌ නමැත්තා අද කොළඹ නාගරික හදිසි මරණ පරික්‌ෂක උසාවියට ඉදිරිපත් කරන ලෙස හදිසි මරණ පරීක්‌ෂක මොහොමඩ් අෂ්රµa රූමි මහතා පොලිසියට නියෝග කළේය.

මරදාන පොලිසියේ සැරයන්වරුන් වන සෝමරත්න (49441) සහ ලාල් පතිරණ (27689) යන නිලධාරීහු මෙහිදී සාක්‌ෂි මෙහෙයවූහ.

http://www.divaina.com/2015/06/03/provin06.html

සීසීටීවී කැමරාව රූගත කළ
මිනුවන්ගොඩ බිහිසුණු රන් කොල්ලය

මුස්‌ලිම් ජාතික බැතිමතුන් රාමසාන් උත්සවය වෙනුවෙන් නිරාහාරව සිටිති. පල්ලියේත් අලුයම ආරම්භ වන යාඥවෙන් අනතුරුව ආහාර ගැනීම නවතාලන ඔහු නෝම්බි ඇල්ලීම ආරම්භකොට නැවත සවස පල්ලියෙන් ඇසෙනා යාඥවෙන් පසු ආහාර ගැනීම ආරම්භ කරනු ලබයි.

ඉකුත් 07 වැනිදා ද සවස 6.30 පසු වී මිනුවන්ගොඩ නගර මධ්‍යයේ පිහිටි මුස්‌ලිම් දේවස්‌ථානයේ ධර්ම දේශනාව ආරම්භ විය. ඉන් අනතුරුව එම දේවස්‌ථානය ආසන්නයේම පිහිටි රන් ආභරණ වෙළෙඳසල් හිමිකරු සහ සේවකයන් දෙදෙනෙක්‌ ආහාර ගෙන නෝම්බි අතහැර වෙළෙඳසල වසා නිවෙස්‌වලට යැමට ප්‍රදර්ශනයේ ඇති ස්‌වර්ණාභරණ ආරක්‌ෂිත සේප්පුවේ තැන්පත් කිරීමට පෙට්‌ටිවලට අසුරමින් සිටින විට වේලාව රාත්‍රී හත පසුවී තත්ත්පර කිහිපයක්‌ ගෙවුණා පමණි. ජැන්ඩියට හැඳ පැළඳගත් යුවළක්‌ මංගල මුදුවක්‌ මිලට ගැනීමට වෙළෙඳසලට පැමිණියහ.

රන් භාණ්‌ඩ හිමිකරු එම යුවළට මුදු පෙන්වමින් මුදුවක්‌ අලෙවි කිරීමට උත්සාහ කළද තරුණිය සමඟ පැමිණි තරුණයාට මුදුවක්‌ ගැනීමේ කිසිදු අවශ්‍යතාවක්‌ තිබුණේ නැත. ඔහුට අවශ්‍ය වී තිබුණේ එක්‌ මුදුවක්‌ නොව එම රන් භාණ්‌ඩ අලෙවිසලේ ඇති සියලුම රන් භාණ්‌ඩ රැගෙන යැම බව කැමරා දර්ශන තුළින් අනාවරණය විය. එම යුවළට රන් මුදු පෙන්වමින් සිටින විට හිමිකරු දකින්නේ බිහිසුණු දර්ශනයකි. ඒ ගිනි අවි අමෝරාගත් සිව් දෙනකුගෙන් දෙදෙනකු වෙළෙඳසල ඇතුළට පැමිණ මරණ බවට තර්ජනය කිරීමකි. ඉන් අනතුරුව එක්‌ විනාඩියක්‌ තුළ මැවුණේ බිහිසුණු දර්ශන පෙළකි. එක්‌ කොල්ලකරුවකු ටී. 56 ගිනි අවියක්‌ එල්ලකර ගනිමින් අණකර සිටියේ වෙළෙඳ සල හිමිකරු වූ ඩී. එම්. එස්‌. මොහිඩීන් (අවු. 48) මහතාටත් රන් භාණ්‌ඩ මිලට ගැනීමට ආ යුවළටත් එක්‌ සේවකයකුටත් සිටි තැන්වලම අත් ඔසවා සිටින ලෙසය. රන් භාණ්‌ඩ ප්‍රදර්ශනය කරන මේසය උඩින් පැනගත් කොල්ලකරුවකු හිමිකරු වෙත ගොස්‌ ඔහුට අතින් පහරක්‌ එල්ලකොට බිය ගන්වා කොල්ලකරුවෙකුගේ කරේ එල්ලෙමින් තිබූ බෑගයක්‌ තුළ තිබූ විශාල ප්‍රමාණයේ කවරයක්‌ එළියට ගෙන රන් භාණ්‌ඩ ඇසුරුම් පෙට්‌ටි කිහිපයක්‌ එය තුළ බහා මේසය උඩින් පැන පලායැමට තැත් කිරීමේදී හිමිකරු එය අනුගමනය කරමින් මේසය උඩින් පැන කොල්ලකරු පිටුපස හඹාගියේ තම මරුවා තමා පිටුපස හඹා එන බව නොදැන විය හැකිය.

රන් භාණ්‌ඩ බෑගයට දාගත් කොල්ලකරුවාව අල්ලා ගැනීමට මුදලාලිගේ මුලික අභිප්‍රාය වුවත් මරාගෙන මැරෙන්න සූදානම් වූ මුදලාලි මෙන්ම කොල්ලකරුවන්ද ඊට සූදානමින් සිටියහ. දුක්‌ මහන්සියෙන් හම්බකර ගත් තම රන් භාණ්‌ඩ රැගෙන යන කොල්ලකරුවන් මෙල්ලකර ගැනීමට මුදලාලි උත්සාහ කරන අවස්‌ථාවේදී තම සගයා බේරා ගැනීමට ඔවුන් පිටුපසින් ආ ටී 56 ගිනි අවිය රැගත් කොල්ලකරුවා කටයුතු කළේ ආදරණීය බිරිඳකට සහ දරු තිදෙනකුටත් සමාජයේ යහපත් පුරවැසියෙකුත් අහිමි කිරීමය. හිමිකරුට වෙඩි පහරවල් හතරක්‌ එල්ල කළ කොල්ලකරුවෝ සිව්දෙනා යතුරුපැදි දෙකෙන් පලායද්දී මංගල මුදුවක්‌ ගැනීමට පැමිණ සිටි යුවළද හෙමින් සීරුවේ එම ස්‌ථානයෙන් මාරු වී යන අයුරු සීසීටීවී කැමරාවල ප්‍රදර්ශනය වේ.

අපරාධයක්‌ වූ කලී එම අපරාධකරුවා යම් හෝඩුවාවක්‌ තබා යන්නේ යෑයි යන මතය මත මිනීමැරුම සිදුකළ කොල්ලකරුවන් අත්අඩංගුවට ගැනීම සඳහා ගම්පහ කොට්‌ඨාස භාර ජ්‍යෙෂ්ඨ පොලිස්‌ අධිකාරි පද්මසිරි මුණසිංහ, සහකාර පොලිස්‌ අධිකාරි චන්දන කොඩිතුවක්‌කු, මිනුවන්ගොඩ වැඩබලන පොලිස්‌ ස්‌ථානාධිපති පොලිස්‌ පරීක්‍ෂක අයි. පී. කේ. ගුණවර්ධන, අපරාධ විමර්ශන අංශයේ ස්‌ථානාධිපති පො.ප. සුමිත් ගුණවර්ධන ඇතුළු නිලධාරීන් සමඟ පොලිස්‌ විශේෂ කාර්යාංශය පරීක්‍ෂණ සිදු කරනු ලබයි. සිද්ධිය සැලවීමත් සමග එම ස්‌ථානයට පැමිණ සිටි ගම්පහ කොට්‌ඨාසයේ සහකාර පොලිස්‌ අධිකාරිවරයකු මාධ්‍යවේදීන්ට බැණ වදිමින් සත්‍ය තොරතුරු සොයා ගැනීමට බාධා කිරීමත්, තමන්ට අයිති නැති කොට්‌ඨාසයකට පැමිණ එසේ සිදු කිරීම සම්බන්ධවත් පොලිස්‌පතිවරයාගේ අවධානයට ලක්‌විය යුත්තක්‌ බවට මෙම ලිපියෙන් වැඩිදුරටත් සඳහන් කරන්නෙමු.

මිනුවන්ගොඩ
ටෝනි කරුණානායක